top of page

Comelec gun ban mapaso sa Nov 29

Nagpatanid sa publico an Bicol PNP na prohibido pa pagbitbit nin armas kun mayong exemption hali sa Commission on Election sa pagsukbit nin badil huli ta nagdadanay pa an Comelec gun ban mantang igwa pang mga mangyayaring biglaan na checkpoint sa mga estratihicong lugar.


Si P/Lt. Col. Malou Calubaquib, opisyal na parataram kan Camp Simeon Ola kan Bicol PNP sa Ciudad nin Legazpi an gun ban nakatalaan magpaso sa Noviembre 29, 2023.


Saiyang piglinaw huli kan Barangay, Sangguniang Kabataan Elections (BSKE) kan Oktubre 30 an Comelec gun ban nag-epekto kan Agosto 28 asin matatapos sa Noviembre 29, 2023.


Magabat an penalidad base sa Omnibus Election Code dawa igwang ‘‘permit to carry firearm outside the residence’’ tatamaan kan ley, sabi pa kan PNP.


Kadakli kan mga nakukumfiscar na armas kan awtoridad mga deadly weapon siring sa pinakahuring naikurit sa Naga City Police Office pakatapos kan BSKE pitong mga patarum an saindang nabawi.


Antes kan BSK eleksyon maabot sa 1,000 mga nabawi nindang mga armas poon na mag-epekto an gun ban asin sa tahaw kan nagrarani nang pirilian kan Oktubre 30. Kaayon digdi si mga may expired licenses mantang an iba boluntad na sinuko.


Kinumfirmar pa kan PNP huli kan existido pa an Comelec gun apektado si ginibong One Stop Shop Caravan sa Magarao, Camarines Sur para sa license to own and poses firearms for individual and firearms registration.



Commentaires


bottom of page