COMELEC ROADSHOW SA NAGA: Ipinaheling an bagong makina, teknolohiya asin tamang pagboto

Ginibo kan Deciembre 2, 2024 an Voter Education and Automated Counting Machine (ACM) Demonstration na inatendiran kan PWDs, abogado, senior citizen, opisyales de barangay asin iba pang sektor komo parte kan nationwide roadshow para sa eleksyon nasyonal asin lokal sa 2025, na ginibo sa IBP building Ciudad nin Naga.

Pinaliwanag ninda Camarines Sur Provincial Election Supervisor Atty. Noriel Badiola asin Comelec Naga Election Supervisor Atty. Maico Julia Jr. an tamang paggamit kan bagong makina sa pagbasa nin boto asin responsibilidad kan namamanuan sa deretsong pagboto.

Bako nang Smartmatic na ginamit kan eleksyon 2016 envez gibo sa South Korea na dakula an screen maheheling na an image kan balota, makaskas an proceso asin magiging automatic cut off kaini kan pagrecibe sa balota, hinale na an paggamit nin USV envez card asin iguang digital signature na ilalaog sa makina.

Naheling kan mga nag-atendir an aktuwal na proceso saka mayong nangyaring abiriya. Digdi maheheling an tunay na resulta sa eleksyon lokal asin nasyonal.

An nagtapos na roadshow para sa midterm election digdi sa Bicol mayo pang report kun iguang nangyaring nag-abiriyang makina.

Provincial Election Officers kan CSur asin Ciudad nin Naga piglansar an ACM nationwide roadshow para sa maabot na eleksyon sa 2025 kan Deciembre 2, 2024 sa IBP Bldg. Naga. (Retrato: PIA CamSur)