CPP/NPA sa Bicol pawara na-9th ID

Nagcelebrar kan ika-52 na aniversaryo an Communist Party of the Philippines (CPP) kan Deciembre 26 alagad sinisikwal na kan 9th Infantry Division kan Philippine Army na may base sa San Jose, Pili, Camarines Sur an saindang kakayahan na makipag-laban pa sa tropa kan gobierno mantang 400 na sana an saindang miembros digdi sa Bicol.


Afuera pa kaini, kulang na an saindang suportadores mala ngani dakul na an manga nagbabaraba kan saindang armas nganing magsuko na sa gobierno.


Ini an mga pahayag ni Army Captain John Paul Belleza, opisyal na parataram kan 9th ID sa Bicol dawa nasa ika-limang decada na sinda ngonian na taon padagos nang nagluluya an saindang grupo asin pawara na an saindang miembros.


Saiyang pigbuyagyag na 82 na miembros kan rebeldeng New People’s Army (NPA) sa rehiyon an nagsuko sa militar kan Masbate kan Deciembre 12 na nag-abot na sa total na 111 kabale na an saindang mga suportadores.


Siyam na regular na miembros kan NPA, 40 miembros kan Sangay ng Partido sa Lokalidad (SPL) asin 33 na miembros kan Military Bayan (MB).


Saindang pigsuko an mga armas na kinababalehan kan .38 kalibre, tolong homemade shotguns, duwang .457 pistol kalibre 45, 9mm handguns, carbine asin mga improvised na badil.


Sa saindang mga pahayag sinda na pagal mantang mayo man nangyayari sa saindang pakikipaglaban sa gobierno asin mawot na nindang makaibahan an familia, sabi pa.


Bako lang sinda sagcod sa pagsuko kan armas sa gobierno alagad tatabangan sinda sa paagi kan Enhanced Comprehensive Local Integration Program.


Inaabot nin cantidad 70 mil pesos na cash an tinatao sa dating rebelde kun nagsuko kan saindang armas.


Sa irarum kan programang ini an mga rebel returnees tinatawan nin asistencia finansyal para sa livelihood, housing, education asin iba pa.


KUMUNISTANG GRUPO

MAPAKUSOG FUERSA SA 2021


Kabaliktaran kan mga pahayag kan militar, an Romulo Jallores Command sa Bicol nagpaluwas kan saindang panindugan sa selebrasyon kan ika-52 na aniversaryo kan CPP dakul pa an saindang suportadores mala ngani pig-aandam kan grupo nganing mas maging mahiwas an saindang operasyon.


An pahayag kan militar na dikit nalang an numero kan saindang miembros propaganda sana mala mantang perang taon nang pigsasabi kan 9TH ID na maluya na an saindang organisasyon mala ngani sagcod sa ngonian limang decada na alagad pusog pa an grupo.



CPP/NPA ika-limang decada na kan Deciembre 26, 2020 pighuhurot naman sa gobierno na ipadagos an peace talk matapos isibog na kan administrasyon an ano man na urulay pang katuninongan.