CWDs puede nang magklase

Igwa nang opurtonidad na makapag-adal nin libre an mga Children With Disabilities (CWDs) sa Ciudad nin Naga dawa panahon nin pandemya mantang matatawan trabajo si mga paratukdo na dai pa nakakalaog sa escuelahan.

Si Consejal Elmer Baldemoro, Chairman kan Committee on Children and Disabilities sa Sangguniang Panlungsod nagsabi na an programang ini kan lokal na gobierno matapos maaraman sa ginibong survey kan PWDs Office na dakul na mga menor de edad na CWDs an dai pa nakakatungtong sa escuelahan na dapat tawan atensyon kan ciudad.

Maabot sinda sa 350 mga CWDs na tutukdoan kan mga calificadong paratukdo alagad saindang pig-aadalan sa ngunian na makalikay sa virus sa paagi kan estrictong pagpasunod kan social distancing.

Doseng mga classroom an saindang nakatalaan na okuparon.

Cantidad on milyon pesos an nakatagamang fondo kan City Hall para sa pansueldo sa paratukdo asin iba pang operation expenses mantang igwa nang facilidad na mga classrooms sa public school na dai pa nagagamit mantang sagcod sa ngunian mayo pang face-to-face classes.

Kaipuhan yaon an presencia kan magurang o guardian sa classroom nganing mag-obserbar kun ano an dapat nindang gibohon na matabangan sinda sa pag-adal.

Si daing gayo dificuldad sa paglakaw puedeng sa paagi kan online defende sa magurang nganing sinda matabangan dawa CWDs.

An programang ini premiro digdi sa rehiyon Bikol asin magpapadagos dagos cada school year. (dpa)