DA Bicol nagwawaras nin libreng banhi

Nagwawaras na nin libreng certified seeds o banhi sa paroy sa mga paraoma an Department of Agriculture sa mga sa paagi kan mga opisina kan Municipal Agriculture Office (MAO) alagad an pwedeng makinabang si iguang patubig hale sa National Irrigation Administration o si may sadiring makina sa patubig.

Panahon nin saguli igua pang mga paraoma sa Bicol an magpadagos kan saindang pagtanum nin paroy mantang ini an saindang hanap buhay. Huli kaini, dapat maayodahan sinda nin libreng certified seeds o banhi. An calificado na makarecibe si mga paraoma na rehistrado sa Registry System for Basis Sectors in Agriculture (RSBSA) sabi ni Lovella Guarin, opisyal na parataram kan DA Bicol.

An libreng banhi depende sa hiwas kan kaomahan.

Mientras tanto sa ngunian maabot na sa P250-M an danyos sa El Niño base sa report kan ahencia na pigtiripon hale sa mga MAO kan LGU.

An sinambit na danyos poon kan bulan nin Hulyo 2026 hasta Septiembre 2026 asin apektado digdi an nasa 8,000 na mga paraoma, parasira sa rehiyon Bicol mientras na apektado man kaini an nasa 7,350 paraoma.

Laen pa kaini, iguang nagcacantidad na P18-M an danyos sa mga high value crops, asin apektado digdi iyo an maabot sa 220 paratanum na kinbabalihan kan 380 indibidwal sa Camarines Norte, 35 sa Albay, tolo sa Masbate asin saro sa Sorsogon.

Mientras tanto an provincia nin Masbate iguang 3,690 apektadong paraoma, 1,450 sa Sorsogon, 868 sa Camarines Sur, 680 sa Camarines Norte, 379 sa Albay asin 238 sa Catanduanes.