DA DOUBLE STANDARD

Tigsik ko si Senador Markobeta

Badtrip sa joke joke ni Beki Ganda

Pinatutsadahan kan baklita

Nag-araso an duwang talinga!

Tigsik ko an sarong panatico

Dawa martilyohon mo pa an payo

An pagtubod dae nanggad makambyo

Sarado po an utak, estupido!

Tigsik ko an magulang na abogado

Grabe an kapritso sa husgado

Piglalaygay, kaya atrasado

An talent fee niya orug na paldo!

Tigsik ko man po an Tatay ninda

 An sabi gikan sa tios na pamilya

Aw, milyones an TF sa abogado ninda

Hapot- saen hale an saindang kuwarta?

Tigsik ko si VG sarong beki

Sobrang lupet bilang  comediante

Kan nag- joke joke kan jetski holiday 

DDS naghibi imbis magngisi!

An ngaran na  DDS tigsik ko man

Igua na palan bagong kahulogan

DA DOUBLE STANDARD iyo na palan Yan

Birikbirik an tambod kan hamagan!