DA nag-aviso sa paraoma magrehistro sa PCIC

Nagpaluwas nin aviso an Department of Agriculture sa mga paraoma digdi sa Bicol na ngunian na panahon nin La Niña dai maiibitaran an makusog na mga pag-uran asin tubig baha dapat magpaseguro sa Philippine Crop Insurance Corporation (PCIC).

Kun mangyari dai mapupugolan an La Niña na posibleng makaapektar sa mga nakatarok na nin paroy na mga paraoma asin aanihon sa bulan nin Oktubre 2024 alagad huli kan mga uran asin tubig baha puedeng malugi alagad nganing iguang seguradong macocobra magpaseguro sa insurance company mantang dai masasagang an ano man na natural calamity, sabi ni Lovella Guarin an opisyal na parataram kan DA Bicol.

Laen pa kaini, si dai pa rehistrado sa Registry System for Basic Sectors in Agriculture magpalista na sa kanya-kanyang Municipal Agriculture’s Office (MAO) nganing makarecibe kun iguang itataong biyaya an gobierno.

Siring kan si mga apektadong paraoma kan El Niño phenomenon na rehistrado sa RSBSA, si mga benipisyaro nagrecibe nin Php5,000 hasta Php10,000.

An Philippine Atmospheric and Geophysical Astronomical Services Administration (PAGASA) nagkumfirmar na kan paglaog kan La Niña asin dapat magpaseguro sa PCIC asin magrehistro sa RSBSA kun sagcod ngunian dai pa napalista sa MAO.

Sinabi pa sa patanid kan PAGASA magkakaigua nin ‘'above normal rain’’ ngunian na tig-uran.

Pigkakarkulo kan DA na target aboton sa 288,000 tonelada nin paroy an puedeng anihon sa mahiwas na mga kaomahan digdi sa rehiyon cinco.