DA nagtagama nin P202-Mpara sa apektado ni Enteng

Tanganing makabangon tolos an sektor nin paraoma na apektado kan Tropical Storm ‘Enteng’, an Department of Agriculture (DA) sa Bicol nagtagama nin Php202 milyones na gagamiton sa butter stocks para sa maabot sa 14,000 na mga paraoma.

Dawa mayong makusog na duros na dara kan bagyo alagad nagwalat nin mahiwas na tubig baha sa kaomahan saka dakul pang produkto agricultural.

Si Lovella Guarin, regional spokesperson kan DA nagpahayag sa Bicol Mail kabale sa saindang mga tabang iyo an hybrid rice, corn, abono, asin semilya para sa gulayan na andam nang idistribuer sa mga paraoma sa Bicol na piglaila kan tubig baha mala ngani pati na sa mga kalangkawan na lugar inabot nin baha.

Sa inisyal na datos kan ahencia, kinakarkulo an danyos sa agricultura nag-aabot sa P400 milyones o 14,814 metrico tonelada kan produkto agricultural.

Kabale sa inabot nin halangkaw na tubig baha siring kan Ciudad nin Naga, Camarines Sur, Sorsogon, Albay asin Camarines Norte.

An lokal na gobierno kan Camarines Sur asin Ciudad nin Naga nagdeclara nin state of calamity nganing magamit an saindang fondo sa calamidad.