Danyos ni bagyong Opong sa Bicol nagsakat na sa P73-M

Nagsakat na sa P73,509,008.04 an danyos sa agricultura sa Kabikolan kan nakaaging bagyong Opong kan Septiembe 2025 base sa pinakahuring report kan Department of Agriculture (DA) Bicol.

Alagad an mas apektado iyo an ginatos na paraoma sa provincia kan Masbate na nanganaan kan magtama si makusog na duros asin uran.

Sinabi ni Lovella Guarin, opisyal na parataram kan ahencia sa Bicol sa mga apektadong mga paraoma nag-total na 56,326 asin 76,529 hektaryang omahan.

An mga paraoma naglalaom na makakarecibe sinda nin ayuda sa gobierno nganing makatanum tolos o makataruk sa omahan.

An ahencia digdi sa Bicol naglalaom na iguang dugang na ipapadara sa mga apektadong paraoma.

Sa ibang provincia kan Kabikolan na daing gayo apektado kan nakaaging calamidad nag-aarani pa ngunian na bulan an iba nakatapos na alagad an reclamo iyo an baratong presyo kan paroy sa mga kumprada na nag-aabot na sana sa P10 na dakulang kalugihan na nadidisganar na magpadagos kan saindang pagtarok nin paroy.

Haloy na nindang pigrereclamo an Rice Tariffication Law kan gobierno na nagpabagsak sa presyo nin paroy mantang an nakikinabang sana an negosyante.