DAR nagdistribuer nin 7Ktitulo sa daga sa mga paraoma

Pili, Camarines Sur --- Maabot sa siete mil na mga paraoma sa rehiyon Bicol an nagrecibe kan land titles asin certificate of condonation with release of mortgages (CoCRoMs) sa mga benificiaryos kan programa sa agrarian reform na ginibo sa Fuerte Camarines Sur Sports Complex sa banwaan na ini kan Deciembre 11, 2025.

Pinangenotan mismo ni Secretaryo Conrado Estrella III kan Department of Agrarian (DAR), bilang kasimbagan sa directiva ni Presidente Ferdinand R. Marcos Jr. na ipadagos an distribusyon kan pig-isyung titulo sa daga sa mga paraoma antes matapos an saiyang termino.

Abot sa 6,960 gabos an nagrecibe kan mga titulo sa daga asin CoCRoMs na pinangenotan kan DAR secretary an distribusyon.

Iguang total na 3,497 land titles an pig-award sa 2,697 na ARBs, na sa kagabosan na 5,99.3626 hektaryas na anas dagang pang agricultura. Ini kinababalehan 1,286 certificates of land ownership award (CLOAs) asin 2,211 electronic titles (e-titles)

An programa inatendiran kan mga opisyales rehiyonal asin mga provincias digdi sa Kabikolan.

Si DAR Secretary Conrado Estrella III (naka-inset) bisita kan Camarines Sur sa ginibong programa sa pagdistribuer nin titulo sa daga sa mga paraoma sa Bicol. (PIA CamSur)