DARNAaa!

Tigsik ko an malanding na bading

Nahiling an machong si Coco Martin

Aw sus, kinilig, napahaling- hing

Nagpakindingkinding, tuminambling!

Tigsik ko ining si Papa Piolo

Kan nakahiling nin sarong macho

Nya, dagos nang nalingaw kan mundo

Nagladlad sa mismong entablado!

Tigsik ko an bading saka guwaping

Naglabinglabing sa Eternal Garden

Nahiling kan malisyosong kanding

Nagtirik an mata, naghaling- hing!

Tigsik ko ining duwang guwaping

Nag-iwal huli sa rich na bading

Aw num, nagpatagasan nin masel

Nagpalangkawan kan ihi, ay, iwww!

Tigsik ko an duwang rich na bading

Nagkaribal sa poging guwaping

Nagpataasan kiray, nagpa- kindingkinding

Wilwil an ngabil, tabyon an bilbil!

Tigsik ko an sakuyang barkada

Pagkaaldaw maton sa Parada

Kun banggi, may lipstick, nakapalda

Dios mo Day, talagang bongga, DARNAaa!