top of page

Dati asin mga bagong pangaran sa politica sa Partido area

Ni Sonny Malate


Sa primerong pirang aldaw kan pagsumiter nin certifico de candidatura (COC) sa Commission on Elections (COMELEC), mga dati asin bagong pangaran an nagruluwas sa nagkakapirang banwa sa distrito kan Partido. Nanotaran man na an nagkakapirang mga candidato an  magkakapamilya.


Sa puwestong congresista, nag-aansias an showbiz personality,  Marco Imperial Gumabao, na sabaton an candidatura ni Cong. Arnie B. Fuentebella na nasa ultimong termino na. Si Gumabao na naghihingakong naggigikan sa Partido Area, aki kan movie actor na si Dennis Roldan na nagin congresista sa Metro Manila kan mga nakaaging taon.


Si Gumabao rehistradong botante sa Voting  Precinct No. 0043C, Zone I, San Antonio, Tinambac, Camarines Sur.


Magigiromdoman na kan mga enot na taon, saro man na artista, si Aga Muhlach, an nagprobar na sabaton an candidatura ni dating congressman, ngonian Undersecretary kan Department of Energy, Wimpy B., Fuentebella, alagad ini dae nagtrayumpo, linamangan nin 2,205ng votos. 


Sa banwaan nin Tigaon, an presenteng Board Member na si Eugene B. Fuentebella an nagplantar kan saiyang COC para sa puwestong babayaan sa 2025 kan tugang niyang si Alkaldesa, Chiqui B. Fuentebella.


Para sa banwaan kan Goa, an nakasalida ki defuntong  alkalde Marcel S. Pan, Mayor Alfredo P. Gonzaga III, iyo an pambato kan Reforma Camarines Sur sa kaparehong puwesto.


Ka-tandem ni Gonzaga bilang bise alkalde si incumbent Municipal Councilor Marcel Michael P. Pan. Si Bise Alkalde Antolin P. Respall na tuminaas an position huli sa law of succession, an mabuelta sa puwestong Municipal Councilor.


An viuda ni defuntong Alkalde Pan,  Ruby P.  Pan,  an kabale sa walong konsehales sa linyada ni Gonzaga. Si Madam Pan probadong efectibong educador asin suportador kan mga pambihirang programa kan dating alkalde Pan.


Afuera sa Tigaon, an iba pang mga bagohan na lalawgon na candidato bilang alkalde iyo an joven na si Dyego Luiz Pilapil kan Lagonoy na madalagan sa puwestong  babayaan sa 2025 kan saiyang amang si Mayor Delfin (JB) F. Pilapil III.


Saro pang bagohan iyo si Bise Alkalde Albert Edward (Bobit) P. Prades kan Tinambac, sa irarom kan Reforma Camarines Sur. Makakalaban ni Prades iyo si Ruby del Rosario Tuy, esposa ni Mayor Ruel B. Tuy na nasa huring termino na. Duwa sa walong miembros kan Sangguniang Bayan sa grupo ni Prades iyo an magtugang na Rosito asin Ruel Velarde na dati nang nagin alkalde kan Tinambac.


Mientrastanto, an mga nagbabalik na politico sa Partido Area iyo sinda Gerard (JJ) F. Pilapil na nag-aaspirar liwat na magin Board Member, ika-duwa ki incumbent Board Member Emmanuel F. Llaguno.


Si ABC President asin former mayor Jimmy (Manghay) V. Deleña kan Presentacion, Camarines Sur an nagplantar kan saiyang COC para sa puwestong alkalde. An saiyang esposa, presenteng alkaldesa Alice A. Deleña,  an dae na macandidato pakatapos kan saiyang sarong termino sa 2025.


Sa banwaan nin San Jose, nagbabalik si dating alkalde asin Board Member Gilmar (Maymay) S. Pacamarra, kontra ki incumbent mayor, Jerold B. Peña. An presenteng Bise Alkalde Virgilio E. Panuelos, an solong madalagan sa cargong Board Member sa irarom kan One Team CamSur.


An mga incumbent mayor - Marilyn Socorro H. Co, Caramoan, John Vincent B. Fuentebella, Sagñay, Carina R.  Polinga, Siruma asin Leda S. San Luis  kan Garchitorena - an liwat na nag-aaspirar magpadagos  sa saindang puwesto.


Sa puwestong gobernador, sarong taga Partido - gikan sa Caramoan asin Goa - si Ronald (Bong) A. Rodriguez,  an masabat sa pusog na organisasyon asin makinaria ni Luis Raymond  (LRay) F. Villafuerte. Jr.  Si Rodriguez an regional campaign manager ni dating VP Leni G. Robredo kan  nakaaging election presidential.


3 Komentar


CBKM BOCU
CBKM BOCU
02 Nov 2024

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPS Machine EPS Block…

EPS Machine EPS Block…

EPS Machine EPS Block…

AEON MINING AEON MINING

AEON MINING AEON MINING

KSD Miner KSD Miner

KSD Miner KSD Miner

BCH Miner BCH Miner

BCH Miner BCH Miner

Suka

CBKM BOCU
CBKM BOCU
02 Nov 2024

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPS Machine EPS Block…

EPS Machine EPS Block…

EPS Machine EPS Block…

AEON MINING AEON MINING

AEON MINING AEON MINING

KSD Miner KSD Miner

KSD Miner KSD Miner

BCH Miner BCH Miner

BCH Miner BCH Miner

Suka

CBKM BOCU
CBKM BOCU
02 Nov 2024

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPTU Machine ETPU Moulding…

EPS Machine EPS Block…

EPS Machine EPS Block…

EPS Machine EPS Block…

AEON MINING AEON MINING

AEON MINING AEON MINING

KSD Miner KSD Miner

KSD Miner KSD Miner

BCH Miner BCH Miner

BCH Miner BCH Miner

Suka
bottom of page