Del Gallego, CS bagsakan droga sa CamSur - PDEA

An banwaan nin Del Gallego, Camarines Sur harani sa provincia nin Quezon iyo an saro lugar na bagsakan kan transaksyon sa ilegal na droga sa Camarines Sur asin Ciudad nin Naga.


Si Camarines Sur PDEA Provincial Officer Mark Anthony Viray nagpahayag kaini kasunod kan saindang haloy nang nasa listahan na envuelto sa droga asin nadakop sa ginibong buy bust operation na activong barangay tanod asin dating militar alagad dai pa nginaran mantang igwa pang isusunod na drug operations.


Sinabi pa kan PDEA sa saindang buy bust operation nabawi sa suspechado an sarong plastic bag na may laog nin 50 gramos nin shabu na nagcacantidad nin Php340,000.


An operasyon ginibo kaibanan an miembros kan PNP kan Municipal Police Station mga alas 11:00 nin aga kan Febrero 1 sa barangay Poblacion, Del Gallego, CSur na yaon sa linderos kan provincia nin Quezon.


Ipinahayag pa ni Viray an ilegal na droga ibabariwas sa Ciudad nin Naga asin sa iba pang mga banwaan defende sa nag-aabot na suplay.


An suspechado 42 anyos dating miembro kan Philippine Army na na-discharged sa serbisyo kan 2007 huli kan nag-AWOL o absence without leave asin naglaog bilang barangay tanod alagad an intensyon maglaog sa transaksyon sa droga.


An caso pig-sangat na kan PDEA sa suspechado sa pagbalga kan Comprehensive Dangerous Drugs Act of 2022.