Del Rosario - Cararayan two-lane road bubuksan sa Enero

Canaman, Camarines Sur --- Pigcierto kan Camarines Sur 3rd Engineering District kan Department of Public Works and Highways (DPWH) na puede nang bukasan sa two lane an nagpapadagos na road widening project kan Del-Rosario-Cararayan road sa Ciudad nin Naga.

Envez sa enot na pigtalaan kan Deciembre 16, 2023 alagad huli kan inabot nin perang aldaw na mga pagbulos nin uran naabala an pagtapos sa projecto kan ahencia.

Alagad si District Engineer Romeo Doloiras nagpahayag sainda na ngonang binuksan an one lane para sa light vehicles.

Naghagad despensa an DPWH huli ta dai natapos sa pigtalaan na panahon alagad piglalaoman na matatapos man giraray nurong taon para magamit na sa two lane asin heavy vehicles.

Mientras tanto, an nagpapadagos na road widening project kan Balatas-Cararayan road an opisina rehiyonal kan ahencia iyo man an nag-iimplementar kan sinambit na proyecto. (Manny Basa)