Diablo nasa kataid mo!

Tigsik ko an lalong, masupgon

Sige sana an hilumlom

Pakalihis nin santaon

An tamburok ruminugon!

Tigsik ko an tabagwang

May pako, ginutaan

Tsup, tsup, muah, muah, maharang

Lugad an halanuhan!

Tigsik ko si Ilikoy

Yagit, totoy na totoy

Alagad sa bisyo oragon

Num, pwerteng langatonon!

Tigsik ko man si Merit

Pag-uli sa Talidtid

Dae mapondo an ngirit

Bitbit duwang latang biscuit!

Tigsik ko po an Diablo

Pasaway na totoo

Dawa sa impiyerno

Sigeng kawat posporo!

Tigsik ko pa an Diablo

Mayong sungay sa payo

Siya machong macho

Yaon sa kataid mo!