Disconnection kan Casureco II suspendido

An Camarines Sur II Electric Cooperative (Casureco II) kabale sa ma-implementar kan pinalawig na no disconnection policy para sa miembros-consumedores na inaapod na ‘‘lifeliners’’ alagad sa mga nagcoconsumo sana nin 0 hasta 40 kilowatts.

Si Rinner Bucay, opisyal na parataram kan Casureco II nagpahayag sagcod sana sa Marso 31, 2021 an saindang ipapasunod na dai muna magputol sa mga dai nakakabayad kan saindang electric bill.

Sakop kaini sa bulan nin Febrero alagad pakatapos kan Marso 31 liwat sindang estrictong mapasunod kan no disconnection policy kun dai makakabayad kan saindang morosidad.

Sinabi pa kan Casureco II aprubado kan Energy Regulatory Board (ERB) an saindang lifeliners nagcoconsumo nin kuryente nin 0 hasta 40 kilowatts.

An Department of Energy iyo an nagrecomendar ki Presidente Rodrigo Duterte na dapat tawan pa nin panahon an mga pobreng consumedores huli ta apektado kan pandemya.

Kan Oktubre 2020 nagpaluwas nin memorandum circular sa mga cooperativa nin electricidad kan no disconnection policy hasta Deciembe 31 alagad liwat pinalawig asin inaprubaran ni Duterte.

Ciertong mahuros an saindang collection efficiency alagad mayong magiginibo an manijamiento kan Casureco II huli kan pandemya.

An gabos na cooperativa nin electricidad sakop kan implementasyon kan ‘‘no collection policy’’.