DOH Bicol nagdeclara na ninBlue Alert sa casong dengue

Liwat nagpatanid an Department of Health Bicol CHD sa publico na maglikay sa casong dengue kasunod kan paglangkaw na kan caso sa 19 por ciento na causa kan saindang pagdeclara sa Code Blue Alert kan caso sa bilog na rehiyon.

Bilang saindang aksyon nagpaluwas an ahencia nin Regional Memorandum 2026-0165 asin ini directiva sa gabos na hospital kan gobierno, Provincial Health Offices, Health Emergency Management Services Point Persons, asin Disaster Risk Reduction and Management in Health coordinators tanganing maging bihilante asin alerto kan saindang mga pag-andam mantang kaipuhan an pagsumiter nin flash reports sa mga insidente nin dengue.

An mga envueltong ahencia dapat magconducir nin monitoring sa mga caso kan dengue asin mag-coordinar sa mga lokal na gobierno, asin iba pang katuwang na ahencia.

Sa listahan kan ahencia nag-aabot na sa 2,167 na caso poon kan bulan nin Enero 2 hasta Septiembre 5, 2026.

Dinagdag pa kan DOH na sa ngunian nag-abot naman sa 107 por ciento an dengue beds utilization sa mga hospital sa Rehiyon Bicol.