DOH Bicol nagpatanid sa paglangkaw kan casong dengue

Nagpaluwas nin patanid sa publico an Department of Health (DOH) Bicol Center for Health Development mantang panahon nin tig-uran dapat maglikay sa helang na dengue.

Dai hinahale an posibilidad na maglangkaw an caso ngunian na tig-uran na makaibitaran an mga comunidad alagad liwat hagad kan ahencia an kooperasyon sa mga lokal na gobierno na magpaluwas nin advocacia na kinababalehan kan pagraot sa estaran nin lamok siring kan pagpalaob kan suro o lata na may laog nin tubig, magsulot nin bado na dulag an lamok, amay na consultasyon kun iguang sintomas, asin suportaran an fogging o pag-spray kan mga estaran kan lamot sa barangay na may halangkaw na caso.

An dengue lamok nag-eestar sa malinig na tubig siring kan flower vases, goma nin vehiculo, lata na mayo na nin laog na iguang tubig mantang an faborito ninda an pagkagat kun aldaw.

Kabale pa sa dapat gibohon kan comunidad iyo an kalinigan nganing dai estaran nin dengue namok maging sa mga kanya-kanyang familia kalinigan sa saindang natad maging sa laog kan harong.

An mga Municipal Health Office (MHO) kan mga LGUs aram na ninda an saindang obligasyon sa advocacia laban sa dengue nganing dai magparalangkaw an caso sa mga barangay.