Double Jeopardy

Ang acquittal o pagdeklarar na mayong sala an akusado nag reresulta sa pagkakaigwang proteksyon laban sa inaapod na double jeopardy. Ini yaon sa satong Konstitusyon. Gusto sabihon, pag an sarong tawo nakasuhan na sa husgado, nagkaigwa ning arraignment, nagtao nin plea o pag simbag kung may sala o mayo, asin natapos ang kaso sa acquittal o pawalang sala kang akusado, dai na siya pwdeng kasuhan o husgahan giraray para sa parehong kaso.

Sa kaso kan dating police officer na si SPO2 Badawi Bakal, G.R. No. 259277, sinabi kan Supreme Court na tama an pagprotekta sa saiyang naenot na acquittal ta natawan man nin sapat na pagkakataon an prosecution na ipresentar an saindang mga ebidensya, asin dai man peke o “sham” an naging trial na nag resulta sa acquittal kang nasabing akusado. Maski sabihon kan prosecution na nagkasala an trial court sa pagtimbang kan mga ebidensya, bako ini awtomatikong dahilan para baliktaron o ipawarang bisa an acquittal.

Ang mahalaga, ang husgado ay dai nag-abuso sa saiyang kapangyarihan. An konsepto kang double jeopardy para ini proteksyon sa akusado tanganing dai siya pirming ibalik-balik sa kaso hasta makua kan Estado an desisyon na gusto ninda.

An simbag na ini para sana sa pankagabsan na impormasyon asin dai dapat ituring na legal advice para sa partikular na kaso.

Kung may mga kahaputan, mag email sa ihapotkiattorney@gmail.com.