Dr. Gigantone permante na sa BMC, Engr. Gigantone sa DPWH

Kinumfirmar na kan Office of the Presidential Assistant for Bicol Affairs (OPABA) na nombrado na komo permanteng Medical Chief kan Bicol Medical Center (BMC), si Dr. Ronnie Gigantone karibay ni Dr. Francisco Sales na nagretiro na sa serbisyo kan Oktubre 25, 2021.


Si Tammy Lee, executive officer kan OPABA nagpahayag na nanombrahan sa posisyon si Gigantone ni Department of Health Secretary Francisco Duque dai palang nahahaloy.


Nag-agi sa selection process an saindang nombramiento mantang igwa pang ibang tolong mga aplikante. Haloy na siya sa BMC, ngunian full fledged medical chief, sabi pa ni Lee.


Huli kaini, makakabuelo na siya sa posisyon ano man na mawot kaining iimplementar na mga pagbabago sa pinakadakulang hospital sa rehiyon Bicol.


Sa Camarines Sur 3rd Engineer District kan Department of Public Works and Highways sa Baras, Canaman, Camarines Sur nag-asumir na sa posisyon bilang pemanenteng Assistant District Engineer, si Engr. Jose Gigantone na dating destino sa provincia nin Capiz.


Siya iyo an nagribay sa nabakanteng puestong ADE mantang si dating ADE Richard Emmanuel Ragragio promoted na bilang district engineer kan Capiz.


An duwang Gigantone magtugang, parejong mga taga Sorsogon.


Mientras tanto, an dating opisyal kan Department of Tourism, Rex Villegas nombrado na ni Presidente Rodrigo Duterte komo Asec kan Office of the Presidential Assistant for Bicol Affairs na pinamamayohan man ni Usec Marvel Clavecilla.