DTI CAMARINES SUR: Nagpapabakal nin depalitong Christmas lights pinatanidan

Kadakle kan mga nagpapabakal nin Christmas lights sa Ciudad nin Naga ‘‘complaint’’ sa product standards na mabenta ngunian na bulan nin ‘’ber’’ bilang pagsabat sa pasko asin bagong taon. Alagad nagpatanid an Department of Trade and Industry sa Camarines Sur sa mga mapalusot nin substandard product maatubang nin penalidad.

Ini base sa mga ginigibong inspeksyon kan DTI sa Camarines Sur na pinamamayohan ni Director Jay Ablan.

Natawan leksyon kan mga nakaaging taon an ibang mga nagkadarakop na nagpapabakal nin mga depalitong produkto na delicado sa aksidente sa kasulo. An penalidad sa mga negosyante multa sagcod na puedeng sarahan an saindang negosyo kun padagos na magsisinutil.

Nagpatanid an DTI Camarines Sur nganing mayong sisimbagon an negosyante kaipuhan seguradohon na iguang product standard na ICC Sticker, dapat iguang price tag.

Si mga enot na nagkakadarakop kan mga nakaaging taon pig-iisyuhan nin notice of violation na dapat simbagon sa laog nin 48 oras.

Ngunian na Oktubre na kabale sa bulan na ‘‘ber’’ nagdadakul na an parabakal kan Christmas lights mantang nagrarani na an

panahon nin Pasko sa Deciembre 2025.

An DTI bako lang digdi sa Naga nagkukunducir nin inspeksyon envez sa pagtaraid na banwaan siring kan Pili, Camarines Sur maging sa Rinconada area asin iba pang municipalidades.