DTI CamSur bantay presyo sa mga produkto sa mercado

Mantang nasa estado nin calamidad an Camarines Sur matapos kan paglamasa kan bagyong Kristine asin Pepito, an Department of Trade and Industry (DTI) padagos kan saindang regular na pag-monitor sa presyo kan mga produkto asin suplay kaini sa mercado.

Si DTI Provincial Director Jay Ablan nagpahayag na stable pa an mga suplay mantang sakop sa price monitoring iyo an basic necessities.

Objetivo kan saindang pag-monitor na maseguro an stock nin mga produkto na kapuhan kan consumedores aroaldaw.

Alagad an suplay nin gulayon iyo an naglangkaw si presyo na yaon sa poder kan Department of Agriculture an pag-monitor.

An ahencia nag-eenganyar sa mga consumedores na kun mabakal dapat si tama sana nganing maibitaran an ‘'hoarding’’ na makaka-apektar sa presyo kan produkto.

An saindang pangapodan tanganing gabos na consumedores para dai mangyari an paglangkaw kan presyo.

An Sangguning Panlalawigan nag-issue nin resolution No. 409 matapos agihan nin calamidad an Camarines Sur.

An pag-declara nin state of calamity nganing magamit an calamity fund kan Capitolio asin maseguro na dai magparalangkaw an presyo kan basic necessities sa mercado.

Mientras tanto, sinabi pa ni Ablan na si mga apektadong negosyante huli sa calamidad bukas an saindang opisina sa mga aplikanteng ma-utang nganing magpadagos kan saindang negosyo.

Cantidad Php300,000 an puedeng ipautang kan ahencia alagad kaipuhan iguang mayor’s permit o barangay permit.

Pigseguro pa na dai sinda mapatong nin interest huli ta apektado na ngani sinda kan nakaaging calamidad.

Dakul na mga negosyante sa provincia an apektado sa halangkaw na tubig baha asin kaipuhan matabangan sinda kan gobierno.