DTI CSur nagpaluwas aviso sa online selling

Nganing dai mabiktima sa online selling na nagpapabakal nin depalito o fekeng produkto, an Department of Trade and Industry (DTI) Camarines Sur nagpaluwas nin mga aviso sa publico.

Ini kinababalihan na dapat ciertohon nagtitiwala kun sa partnership corporation o cooperativa rehistrado sa Security and Exchange Commission (SEC) asin aramon kun may business permit; Kun ma-order helingon an mga comment o remarks digdi maheheling an feedback kun dapat tiwalaan; asin kun igwang order dapat cash on delivery dai magbayad nin advance asin kun duda asin depalito dai kuanon.

Ini an mga aviso ni Director Jay Percival S. Ablan sa mga mahihilig magbakal nin produkto sa paagi nin online nganing malikayan na mabiktima.

Dakul nang mga reclamo an publico sa mga nagbabakal sa paagi nin online para dai mabiktima seguradohon na licensiyado o kumpleto nin mga permits na pigmamando kan ahencia asin kan LGUs.

Kan nakaaging taon maging sa aldaw nin mga puso may mga reclamo naman sa online sellers.

Sinabi pa ni Director Ablan kun igwang mga reclamo isombong tolos sa saindang opisina na andam magrecibe an DTI Camarines Sur facebook page o sa paagi nin email.

Gamiton an saindong deretso nganing matawam leksyon saka castigohon susog sa ley.

Kan nakaaging taon an ahencia pigrunot an maabot sa 500 mil pesos na mga nakumfiscar na substandard product hali sa manlaen-laen na establisimiento sa Ciudad nin Naga, Ciudad nin Iriga asin iba pang mga banwaan sa Camarines Sur.