Duwang banwaan sa CSur pigdeclara komo SIPS

Duwang banwaan sa segundo distrito kan Camarines Sur pigdeclara na komo state of Stable Internal Peace and Security (SIPS) kan Philippine Army asin iba pang ahencias de gobierno huli sa kawaran na nin problema sa insurhencia.

An duwang banwaan na ini iyo an Libmanan na ginibo si ceremonial declaration kan Mayo 13, 2026 asin sa Pamplona, Camarines Sur kan Mayo 21, 2026. Pinagenotan kan Philippine Army, Coast Guard Station, Bureau of Fire Protection, Philippine National Police, Department of Interior and Local Government, PNP SAF, opisyales lokal sa pangenot kan saindang jefe ejecutivo, mga department heads kan duwang LGUs, Sangguniang Kabataan, asin opisyales de barangay

Katuyohan kaini para sa pigtutulod na paz y orden, asin programa sa katuninongan kan banwaan mantang an mga ahencias de gobierno nagkaigua kan saindang memorandum of agreement mapadapit sa Stable Internal Peace and Security sa saindang pagtarabangan para sa paz y orden sa saindang lugar.

An kaparehong programa ginibo naman sa ibang mga municipalidades sa Camarines Sur asin iba pang provincias kan Kabikolan.