ECs sa Bicol nagtatarabang sa power restoration sa Masbate

Nagtatarabang na an mga line man kan electric cooperatives (ECs) sa Bicol sa provincia nin Masbate nganing maibalik an serbisyo nin electricidad digdi matapos kan laila kan bagyong Opong kan nakaaging semana.

An mga ECs kinababalihan kan Casureco I, 2, 3, asin 4 kan Camarines Sur; First Catanduanes Electric Cooperative (Ficelco) kan provincia nin Catanduanes;

Albay Electric Cooperative (Aleco); asin Camarines Norte Electric Cooperative (Canoreco) bilang parte kan pagtarabangan nin ECs sa irarum kan NEA-PHILRECA Task Force Kapatapid asin iba pang mga ECs hale sa ibang rehiyon.

An mga Task Force Kapatid nadedestino sa manlaen-laen na municipalidad sa provincia nin Masbate huli ta dai mapapadali na maibalik an serbisyo nin electricidad kun susulohon sana kan Masbate Electric Cooperative (Maselco).

An Masbate iyo an nalagarto kan bagyong Opong bako lang sa serbisyo nin kuryente an apektado maging sa infrastraktura, nagkagarabang mga harong asin iba pang estraktura.

Kaipuhan kan provincia na maibalik na an serbisyo nin kuryente nganing mag-andar na an mga water district na sagcod sa ngunian apektado huli kan nakaaging calamidad.

An task force kapatid saro sa dakulang bagay sa ECs nganing maibalik na an serbisyo nin kuryente sa paagi kan saindang pagtarabangan. Alagad bako gabos na line man ninda an nagpasiring sa sinambit na lugar envez igua man walat na magpadagos kan saindang serbisyo sa sadiring ECs.

Nagpasalamat an Maselco asin LGU kan provincia nin Masbate sa pamamayo ni Gobernador Richard Kho sa task force kapatid mantang saro sa importanteng serbisyo iyo an kuryente.

An LGUs nagbakal na ngona nin generator nganing magpadagos an operasyon kan saindang mga municipalidad.