Empleados sa private sector marecibe nin dugang na sueldo

Nagpaluwas nin patanid an Department of Labor and Employment sa Bicol sa private sector na dapat iimplementar sa Deciembre 1, 2025 an 2nd tranche kan minimum wage kan saindang mga empleados digdi sa Rehiyon Bicol.

An DOLE Bicol na pinamamayohan ni Regional Director Imelda Gatinao, nagpagirumdum an dugang na sueldo dapat maging nang Php435 epektivo sa Deciembre 1, ngunian na taon.

An first tranche dapat naimplementar kan Abril 5, 2025 na dapat naging Php415 an aldawan na minimum wage sa pribadong sektor.

An sektor nin trabajadores sa Bicol dai uyon sa hababaon na dugang na sueldo alagad ini an desisyon kan Regional Tripartite and Wages Board na dapat iimplementar, sabi pa kan DOLE.

Dinagdag pa kan DOLE Bicol, afuera kan saindang pagirumdum sa pribadong sektor an saindang ahencia nagpaluwas nin P5.6 million para sa 670 benipisyaryong trahabadores sa lindong kan TUPAD program na apektado kan nakaaging bagyong Uwan sa islang provincia nin Catanduanes.

Personal na tinao ni Director Gatinao an tseke ki Alcalde Aly Romano kan San Andres, Catanduanes sa saindang opisina kan jefe ejecutivo.

An fondo hale sa saindang opisina sentral nganing matabangan an dakul na familia na apektado kan nakaaging calamidad.