ENRO nag-iinspeksyon sa mga kondisyon sa poon nin kahoy

Bako lang sanga nin poon nin mga gurangan nang kahoy sa gilid nin mga tinampo an pigpatarasan ni Alcalde Leni Robredo sa Environment and Natural Resources Office (ENRO) envez maging pag-inspeksyon nganing maaraman an kondisyon kan kahoy sa kooperasyon kan Department of Environment and Natural Resources (DENR).

Ini an mga pahayag ni Robredo sa programang Doble Pasada kan DWNX na program host sinda SM Ed Ventura asin Grace Inocentes, kasunod kan nangyaring trahedya sa duwang magtugang na taga Ciudad nin Naga kan mapukanan nin Acacia tree sa Barangay Moriones, Ocampo, Camarines Sur kan nakaaging semana.

An direktiba kan jefe ejecutivo bilang aksyon asin maseguro kontra sa ano man na aksidente nganing maaraman an mga natatapo nang decadang poon nin kahoy. Kun peligroso na dapat mag-aksyon na an ciudad.

Magigirumduman igua nang nangyaring kaparejong aksidente na an biktima duwang opisyales kan City Hall alagad nakasalbar an saindang buhay.

An kasugoan na ini sa ENRO dakulang bagay huli ta panahon nin tig-uran asin bagyo malilikayan na dai na mapukan sa tahaw kan tinampo.

Tabang pa sa Camarines Sur II Electric Cooperative (Casureco II) tanganing magkaharale an mga nagsasablay na sanga sa mga poste.

Poon nin kahoy sa Matiway St. kan Barangay San Felipe nagkapera sa dapat ma-inspeksyon kan ENRO kan City Hall nganing maaraman an kondisyon kan decada nang poon nin kahoy. (Bicol Mail)