ESTUPIDO, TONTO!
- Bicolmail Web Admin
- Apr 21
- 1 min read
Tigsik ko tabi ining si Ateng
Dati mataba garong butanding
Nya! Ngonian nalaos, pigha-hunting
Sige an ngawngaw, nagkatililing!
Tigsik ko an babayeng mabata an hangaw
Grabe an bunganga, anas sablay
Sa ibang nacion papansin, narungaw
Balik sa Pinas, dagos an abhaw!
Tigsik ko an usmak na candidato
Paghuna ogma an mga tawo
An dae aram kan rapakan na kuneho
Pigsusuka na siya kan publico!
Tigsik ko si Bossing gustong magreelect
Mga babae saiyang pigdiscriminate
An saiyang alimantak kuminupsit
Pag ratdag sa election dakol an mangirit!
Tigsik ko si Congressman Manyakis
Dapat ilaglag sa elected office
Kabastosan an laog kan isip
Garong kunehong mahilig magkupsit!
Tigsik ko an ngaran na pagboto
Saro po ining gawing sagrado
Pilion an toltol na candidato
Isikwal an mga estupido, tonto!
Comments