F2F classes sa Bicol suspendido- Sadsad

Ciudad nin Legazpi --- Dai palang nahahaloy nagpuon an limited face-to-face (F2F) classes sa nagkaperang escuelahan sa Kabikolan alagad sinuspende sa tahaw kan padagos na paglangkaw kan caso sa coronavirus disease.

Si regional director Gilbert Sadsad kan Department of Education sa Bicol nagpahayag an saindang desisyon na suspendiron an in person classes kasunod kan direktiva ni Presidente Rodrigo Duterte na suspendiron muna an pagbuelta kan F2F classes nganing ilikay an mga estudiantes sa naglalangkaw na caso sa Covid-19 yaon pa an homa kan Omicron variant.


Onse sanang mga escuelahan sa Bicol an enot na aprubaran kan DepEd kinakaipuhan munang isakripisyo para man sana sa proteksyon kan mga estudiantes laban sa virus, sabi ni Sadsad.


An mga escuelahan kinababalihan kan sarong pribadong high school sa Daraga, Albay; sa elementarya, lima sa Camarines Sur, saro sa Ciudad nin Naga, pito sa Ciudad nin Ligao; saro sa Ciudad nin Sorsogon; tolo sa provincia nin Sorsogon; saro provincia nin Masbate asin duwa sa Ciudad nin Masbate.


Mahalat an DepEd Bicol kan pagbuelta sa new normal asin desisyon ni Presidente Duterte kun nuarin ipapadagos an F2F classes.


An mga escuelas publika sa Kabikolan nag-aandam na kan nakaaging bulan nin Deciembre 2021 kan F2F classes sa mga zero cases sa Covid, alagad isinibog an implementasyon kan expanded F2F huli kan deadly virus. (DPAureus)