Face-to-face classes sa Bicol pig-andaman na kan DepEd

An Department of Education (DepEd) sa Bicol nagrecomendar na nin mga escuelahan sa escuelas publica nganing magsikad na an face-to-face classes sa Enero 11, 2020 sa mga lugar na hababa asin zero sa coronavirus disease (Covid-19) alagad binawi ni Presidente Rodrigo Duterte kan Deciembre 26, 2020.

Ini an reaksyon ni regional director Gilbert Sadsad sa kahurotan ni Bise Presidente Leni G. Robredo asin inaprubaran na senate resolution sa senado na dapat ibuelta na an limitadong face-to-face classes nganing mapaangat an pag-adal kan mga estudiante.

Sa survey kan opisina central kan DepEd maabot sa 1,065 na mga escuelas publica an andam nang punan an pilot face-to-face classes kabale na an nagkaperang escuelahan sa rehiyon Bicol.

Sinabi pa ni Robredo si Secretary Leonor Briones an nagpapabor na sa pagbuelta kan mga estudiantes sa class room alagad nag-aalangan lang sa desisyon ni Presidente Duterte.

Sa propuesto kan bise presidente an face-to-face classes pig-iimplementar na sa nagkaperang mga escuelahan sa ibang nasyones mantang an pag-buelta sa classes dawa duwang aldaw cada semana nganing ma-follow-up kan mga paratukdo an leksyon sa mga aki.

Admitido kan DepEd Bicol na an modular asin online learning piglalaoman na mababa an pagkanuod kan estudiantes alagad si independienteng estudiantes makakanuod ta sa normal na klase na yaon an paratukdo igwang dai pa giraray nakakanuod.

‘‘Much more’’ ining modular learning kaya ngani pinalawig an aldaw kan klase.

An DepEd Bicol naghahalat sana kan ano man na desisyon kan saindang opisina central asin Presidente Duterte mientras igwa na sindang listahan kan mga escuelahan na puede nang ibuelta an ‘‘in person classes.’’

Sa maabot na Marso 15 hasta Marso 22 iyo man an saindang bakasyon semestre asin matatapos an klase sa Hulyo 10, 2021.

Sa Septiembre 2021 iyo man an burokasan nin klase mantang nakapuon an erescuelahan kan Oktubre 2020 huli kan pandemya. (DPA)