FACIL DULOKON, DEFICIL DAKOPON

Tigsik ko an ibang  elehedong oficial

An saindang gibo nakakainspirar

Sa calamamidad sinda malalaoman

Action agad, sa baha minalamutaw!

Tigsik ko an toltol na servicio publico

Sa gobyerno dakol an decipulo

Inspirasyon an dara sa mga tawo

Sa saindo kami minasaludo!

Tigsik ko kamong nasa gobyerno

Bako tabi kamong hadi sa templo

Kundi uripon kan mga tawo

Gibohon an saindong mandato!

Tigsik ko si Cong na sobrang gulang

Kadakol an mga tinampong nahaman

An delencia sa bangko nagsusupay

An mga proyekto anas ampaw!

Tigsik ko an bagong PNP Chief

Maitom-itom sana an saiyang kublit

Pero sa trabaho, sus, malupet

Mga hadi-hadian saiya kupsit!

Tigsik ko si Boss na maturognon

Facil dulokon, deficil dakopon

Sa mga Kahimanwa maulyason

Sa oficinang aircon naghihilumlom!