FIGHT OF THE CENTURY!

Tigsik ko an oras sa kinaban

Minaagi sana, madali lang

Magin marhay, magkasimootan

Saro-saro mong buhay, pakaingatan!

Tigsik ko an babaeng chismosa

Wow, kadakolon palan an mata

An tabas pa kan dila marara

Labi-labi kun magngalangala!

Tigsik ko an lalong ko sa Sorsogon

Num, kan nakanood magpantalon

Sus, gusto na man pong mag-agom

Pondo daw Nonoy, an bagas mahalon!

Tigsik ko ining tabagwang

May sahog nin pako ginutaan

May tiyitiyi, maharangharang

TSUP! TSUP! MUAA! MUAA! Abaa nang siram!

Tigsik ko an election sa satong barangay

Espiritu kan mga botante nakaburuhay

Nahiling si Maning saka si Manang

Maningkwenta, Manangribo, aw haen an?

Tigsik ko an bulan na Septiembre

Wow, yaon na an Fight of the Century

Kiisay kamo, ki Fermin o L-Ray

An kurabkutab kan yagbols ko grabe!