Franquicia kan Evenchance sa CamSur hinuhurot ki PBBM cancelaron

Pinapahobaan na ki Presidente Ferdinand Marcos Jr. kan tolong lehislador kan Camarines Sur nin franquicia an Evenchance Gaming Corp., operator kan Small Town Lottery (STL) digdi sa provincia.

Pinangenotan ninda Representante LRay Villfuerte, Rep. Migz Villafuerte, Tsuyoshi Anthony Horibata, asin Bicol Saro party-list Rep. Brian Raymund Yamsuan huli kan mga pagbalga kan Revised Implementing Rules and Regulations asin iba pang ley nasyonal na nakakasakop sa operasyon kan STL.

An aksyon kan mga lehislador mantang nagrarani na an mga huring aldaw kan franquicia kan STL sa Camarines na mapaso sa Febrero 18, 2024.

Saindang sinusuportaran an kahurotan kan namamanuan kan Camarines Sur sa paagi ni Gobernador Louie Villafuerte, na enot nang nagsurat sa Malacañang, asin nagpresentar nin mga evidencia kan padagos na pagsinutil kan Evenchance sa mga reglamento kan Revised implementing rules and regulations na nag-gogobernar sa operasyon kan sugal.

Saindang hinuhurot na dapat nang i-blacklist an operasyon kan negosyo sa nasyon sa tahaw kan padagos na pagsinutil sa STL’s RIRR.

Inaakusaran pa an STL digdi sa Camarines Sur na ginagamit na front kan ‘‘illegal lotteries’’ asin pagpalyar sa tamang panahon asin bakong tamang pagremiso kan kahirasan sa PCSO, mga ginigibong pagmaniobra sa koleksyon kan STL, pagkua nin mga menor de edad nin kolektor asin nagpapataya pa sa mga menor na kaakian.

An padagos na mga ginigibong pagsinutil sa RIRR malinaw na dapat nang cancelaron an franquicia sa paagi kan PCSO.