Fuentebella dagos pang DOE Undersecretary

Si Presidente Ferdinand Romualdez Marcos Jr., liwat na nagngaran bilang Under Secretary kan Departamento sa Enerhiya (Department of Energy) amay na parte kang semanang ini ki William “Wimpy” B. Fuentebella.


Susog sa bareta na pigluwas kang nagkapirang estaciones nin radyo sa Cyudad nin Naga, si Fuentebella mapadagos pag tukaw bilang energy under secretary. Siya nagkapot kang parehong pwesto sa bilog na termino ni dating presidente Rodrigo Roa Duterte.


Si Wimpy tugang ni Arnie B. Fuentebella representante kan ika apat na distro kan Camarines Sur sa tulong sunod sunod na turno.


Si Undersecretary Fuentebella myembro kang poderosong familia nin politiko hali nin distrito kang Partido.


Nag tukaw man sa sarong turno bilang representante kan ika apat na distrito.


Ang ina nya si Evelyn Buquid Fuentebella dati mang nagtukaw bilang alkalde sa banwaan nin Sagñay sa tulong termino. An mga tugang nya sa presente, an saro myembro kang Sannguniang Panlalawigan an duwa parehong nasa pwesto bilang alkalde kan Tigaon asin Sagñay.


Si Undersecretary Fuenteblla saro sa mga taga Bicol na myembro kan opisyal na familia ni Presidente Marcos Jr.