Fuersa kan CPP/NPA sa Bicol paruro na – PRO-5

Paruro na an fuersa kan Communist Party of the Philippines (CPP)-NPA sa rehiyon Bicol huli kan igua naman pitong miembros kaini an bulontaryong nagsuko sa PNP afuera kan si mga naenot na grupo mantang igua man suhay sa 9th Infantry Division kan Philippine Army.

Si BGen Nestor Babagay Jr, regional director kan PRO-5 nagsabi saro sa dakulang iyo an pagtarabangan kan iba pang mga ahencia de gobierno asin comunidad para sa katrangkilohan kan Kabikolan. An saindang mga ginigibong security operations, dakulang bagay nganing magaba an armadong grupo na haloy nang nakakaapectar sa mgas comunidad.

Lima sa mga nagsuroko, gabos residentes kan Bacacay, Albay, na nagpamidmid miembros kan independent Platoon kan rebeldeng grupo. Sinda nagsuko sa Albay PNP Provincial Office sa koordinasyon kan Provincial Intelligence, 1st asin 2nd Provincial Mobile force asin iba pang grupo nin mga awtoridad.

Sa Camarines Norte, duwang miembros kan Platoon 2 an suhay man na nagsuko sa Camarines Norte PPO asin iba pang grupo nin awtoridad mantang sa San Lorenzo Ruiz, sarong 51 anyos na miembros kan NPA an nagsuko man sa awtoridad.

Mientras tanto sa 9th Infantry Battalion kan Philippine Army sa Libmanan, Camarines Sur 14 rebeldeng NPA an nagsuko asin yaon na sa saindang custodiya. Sinda pinangenotan kan nagpabistong Ka Kris na nagsuroko kan saindang mga de kalibreng armas.