Ganot sa kili-kili, ganot sa singit

Tigsik ko an init sa politica

Nakisabay sa Heat Index kan nacion ta

Maglikay orug an tanggurangan na

Hinay-hinay lang, baka matiwi ka!

Tigsik ko man po ining summertime

Bongga! May tayming na pirilian

Sa barangay grabe an alimpasay

An tawo mapupula an hasang!

Tigsik ko an tiempo kan pirilian

Wala-too an direskartehan

Mga candidato pinapanganaan

Kun nanggana minahabas sa kaban!

Tigsik ko pa an tiempo kan pirilian

An sabi, an kuwarta daa lataw

Huli ta an kamot kan candidato magean

Hanaphanap an botanteng nababakal!

An mga hubenes tigsik ko man

Natangad an ati kan pirlian

Pag-abot sa saindang paggurang

Sa politica, switik, garapal!

Tigsik ko an bulan na mainiton

Haros gabos sobrang pakabadtripon

Grabeng aringasa kan panahon

Singit saka kili-kili garanoton!