GHOST PROJECT

Tigsik ko an Sistema sa gobyerno

Maconsuelo ta dakol palan an multo

Anas sana drawing an proyecto

Bilyones an pirak kan curapto!

Tigsikan sistemang bugok 

Sa gobyerno haloy nang duminukot

Dae na Madara sa hilothilot

An gamat naglaog na sa hutok!

Tigsik ko pa an sistema sa gobyerno

Kun siisay pa an mga curapto

Iyo an pigsasanto kan mga tawo

Balisngag an payo, estupido, tonto!

Tigsik ko man an pamilya ni Sir

Dae lamang pig-aatake kan tingating

Paldopaldo sa bangko an savings

Dae nanggad mapirma sa bank waiver!

Tigsik ko an Pamilya Buaya

Habo nang magtukal sa politica

Magpoon kaito, hasta ngonian pa

Sagkod sa maabot na panahon, awot pa!

Tigsik ko si Cong, pangiritngirit

Kaya palan sa puwesto pwerte an kapit

Bilyones kaya an kinakabig sa ghost project

Buaya sa lawod, sablok, ganid!