Ginador na PB na sinuportaran ni Nonoy Magtuto piglangtad na

Piglangtad na ni Nonoy Villafuerte Magtuto an saiyang mga ganador na punong barangay (PB) sa Ciudad nin Naga na saiyang sinuportaran kan Barangay, Sangguniang Kabataan Elections (BSKE).

Sa paagi kan saiyang FB account trece kan veinte sieteng punong barangay kan ciudad an saiyang nginaranan na elihidong PB kinababalihan ninda, Ferdinand De Hitta kan Balatas, Raquel Tutanes kan Bagumbayan Norte, Pin Camba kan Bagumbayan Sur, Rodrigro Agravante kan Cararayan, Julius Cesar Sanchez kan Dayangdang, Tin-Tin Intia kan Dinaga, Domingo Serrado kan Lerma, Ronald Luntok kan Liboton, Domingo Ramos kan Panicuason, Jacky Villafuerte kan Penafrancia, Efren Nepomuceno kan San Francisco, Veron Cerdon-Panganiban kan San Isidro, Bong Peñas kan Del Rosario, mantang presente man si Francis Mendoza kan Concepcion Pequena na nagbisita man sa negosyanteng, asin saiya man pig-welcome an bagong kaiba ta sa Team Magtuto na sinda Matias Largo kan Sta. Cruz asin Noel Constantino kan Mabolo.

Sa FB post saindang sinicelebrar an pangganahan kan saindang mga kapitan sa Ciudad nin Naga.

Napag-araman na sinda Congresista Gabby Bordado asin dating Bise Presidente Leni Robredo igwa man sinuportaran na mga candidatong PB sa nagtapos na eleksyon sa ciudad alagad dai paman maaraman kun nuarin ilalangtad.

Si Magtuto na sarong negosyante nag-aambisyon na magcandidato komo congresista sa tercer distrito kan Camarines Sur.

An saiyang posibleng makalaban sa eleksyon iyo si VP Leni G. Robredo. (dpa)