GIROK TIGSIK -1

Tigsik ko an manok ni San Pedro

Yaon sana sa pwerta kan Paraiso

Kawasa an layog pira sanang metro

Yagyab an pakpak, pirmi pang duro!

Tigsik ko an pilyong acolito

Nagtagay nin Mompo sa simburyo

Kan sa benino kan arak nalango

Nagkawat sa sadiring tawo-tawo!

Tigsik ko an gurang na daraga

Simba sanang simba mayo man misa

Pagluwas kan may pekeng sutana

Pighungit kan nakatagong hostia!

Tigsik ko si Hading Solomon

Nanaging tagahatol sa Capitol

Huli sa sobrang gatol kan among

Dagos nang an buhok ruminogon!

Tigsik ko pa an Mahal na Hadi

An kapot na baston dae nanggad nababari

Mahal na Reyna dae nakakahibi

Igua nang corona, bako nang aki!

Tigsik ko an Princesang matambok

Kan ini po primerong mamoot

An guris sa may pusod naggatok

Suminakat sa lanob, nakaaratot!