top of page

GIROK TIGSIK - 11

Oct 31
1 min read

Tigsik ko an pilyong acolito

 Inikit sa altar an duwang Mompo

 Solo-solong tinungga duman sa simburio

 Puminungay an mata sa kalbong rebulto!


Tigsik ko an antigong si Pocholo

Sarong tanggurangan na soltero

Habo pang maglaog sa matrimonio

Wala, toong palad  iguang kalyo!


Tigsik ko an ulpok na si Barok

Sa rukarok na bukid nag-eerok

Ki Gundina inubos an pagkamoot

Pagkabanggi sigeng pulokpulok, ponggok!


An lagalag na si Narda tigsik ko man

Naagihan kan basang bitis na istambay

Mayo si Ding kaya mayong gapong pighabungal

Pag-uli sa harong entirong nagsukamang!


Si Laylay Tagulaylay tigsik ko man

Pagkabanggi paaaga an agrangay

Pagkaaga daeng ontok an hagayhay

An parong kan hangaw garong imburnal!


An oragon na si Superman tigsik ko man

Siya an paraligtas kan kinaban

Nasa luwas kan pantalon an sarawal

Pigtatakotan kan daragang gurang!

Comments


bottom of page