GIROK TIGSIK -2
- Bicolmail Web Admin
- Nov 29, 2025
- 1 min read
Tigsik ko an Agtang durat
Kun saen saen nagdasmag
Pirang bulan tulak nagbigak
An nagluwas patianak!
Tigsik ko an sakong manok
Sobrang isog makipurok
Nakaralaslas an liog
Nagrurugon an tamburok!
Tigsik ko an manok na sulog
Kan nakanood magturaok
Nagparasyapol nin pahubod
Nagdirigwa biyong mapulot!
Tigsik ko an pilyong talusog
Sobrang halnas dae mo madakop
Grabe kun mag pulospugos
Num, ta an payo guminatok!
Tigsik ko an baoo ni Pedro
Sa mundo mayo lamang pakimano
Pitikon mo pa man an harong na luto
Dagos nang minaulnok an payo!
Tigsik ko si Virginia
Ay! Tinukwag kan sawa
Nagdigay, nagsuruka
Mapulot na mapula!
Comments