GIROK TIGSIK - 3

Tigsik ko an dumaragang manok

Banggi, sa tugdonan pigkurukod

Yaon palan sa may pugtot an girok

Pighapros, biyong nag-urok-utok!

Tigsik ko an magatol na bading

Sa kabatagan naghanap anting-anting

Nadangog duwang naghahalinghing

Tabi sa kalag, an boses garong sa kanding!

Tigsik ko an harong harong ni Nene, Nonoy

Garong totoo, iguang ulunan saka tamong

Piggaranot ta nakakurumong

Kakugos an sarong Nonoy-Nonoy!

Tigsik ko si Robin saka Batman

Nagturohok an mata, nag-espadahan

Luminagbas hasta halanuhan

Napusi pati an limogmogan!

Tigsik ko an makaupo ni Rizal

Naghakay sa kayod na maboblay

An pamanggi, duwang balut na hilaw

Mauroaskad kan pignamitan!

Tigsik ko an lakaking bigotilyo

May mga tagong istoryang sa pilyo

Gabos magirok, makagirabo

Tindog an gadan, minasaludo!