GIROK TIGSIK - 4
- Bicolmail Web Admin
- Dec 13, 2025
- 1 min read
Tigsik ko an burarang si Cinderella
Ruminampa duman sa Patio kan Goa
Nawaltak an luma, tagiptipon na bra
Pig-iwalan kan duwang askal na boa!
Tigsik ko si Tarzan, Hadi kan kadlagan
Jane an pangaran kan piday piday
An soldados gabos lang kabalang
Armas batakwal nagkalaykalay!
Tigsik ko po an duwang gurang na bading
Nag-iwalan huli sa sarong cute na guwaping
Nagpataasan kiray, nagpakindingkinding
Nagwilwil an ngabil, nagtabyon an bilbil!
Tigsik ko man an duwang cute na guwaping
Nag-iwal huli sa sarong rich na bading
Nagpalangkawan ihi, patagasan masel
Paenotan pagputok kan badil badil!
Tigsik ko an nalenaleon na Kastila
Iguang halas, halaba mataba
Pinaara sa ngalasngalason na Agta
Tinakma, daeng ontok an burabura!
Tigsik ko an lalong sa Sorsogon
Halaba an saka, tindog an paplungon
Nalanog sa purok, aga, hapon
Kada ipot, lunay, marugion!
Comments