GIROK TIGSIK - 6
- Bicolmail Web Admin
- 1 day ago
- 1 min read
Tigsik ko ining si Lolo Kiko
Naghanggilid sa dalan na tiko
Nakaaging doot na langubo
Pig-ib-ib, an sipon nagnorono'!
Tigsik ko si Junjun na sobrang hisdol
Dae mo madakop, sigeng kibolkibol
Sa daeng ontok na pausol-usol
Nagdirigay, an hinangos putolputol!
Tigsik ko an mapungaw na viuda
An hapot sa sadiri kada aga -
Haen na an ika-duwang Gloria?
Nakatangad, pirawpitaw kan mata!
Tigsik ko man an Kastilang burara
Tinakma an tilapiang mataba
Napahalnas sa minama' kan Agta
Sa ka'ka'an ni Kaka nakapungka!
Tigsik ko an hamot mo Jasmin
Sa parong sinda nagpalingpaling
Ano an sangkap, ano baya ta siring?
Nagtumbling pati si Lolo Mael!
Tigsik ko si Lazarus kan nagadan
Hinungit nin tumay na dinailan
Lintian ta biglang naumayan
Huminuyom, sabay sabing, sirammm!
Comments