GIROK TIGSIK - 9
- Jun 5
- 1 min read
Tigsik ko ining si Tarzan
Hadi daa kan kadlagan
Soldados anas kabalang
An armas namarangsiwal!
Tigsik ko man po si Handiong
Nagpasyar sa kailusyon
Pitong dagat an linangoy
An batakwal nagkulontoy!
Tigsik ko an aki pang si Sabel
Sobra kun magkubilkubil
Pinaugom nin badilbadil
An tila-tila suminimpil!
Tigsik ko an gurang na bading
Pagtumbling ni Coco Martin
Aw ta nagparahalinghing
Ssntayan, garo nang kanding!
Tigsik ko an Kastilang burara
Kun makahaklab pangana
Nahakla kan kulot na bandala
Nagruluha, nagdirigwa!
Tigsik ko si Señor Obispo
Nagparagatol an payo
Kuminagaw mayong preno
Nagyugoyugo an Palasyo!
Comments