Gulay Naga Initiative piglansar na sa Naga
- Bicolmail Web Admin
- May 31
- 1 min read
Piglansar na sa Ciudad nin Naga kan Viernes, Mayo 29, 2025 an pinakaenot na ‘‘Gulay Naga Initiative’’ na nabilog sa pagtarabangan kan manlaen-laen na sektor nganing mapalangkaw an produksyon nin gulay asin makasuplay sa 27 barangay kan Naga.
Si dating Consejal Julian Lavadia Jr., consultant kan City Agriculture Office (Cago) kan makaulay kan Bicol Mail nagsabi saro sa misyon kan (GNI) bako sanang mapalangkaw an produksyon envez an paraoma matanum sa paagi nin organic farming para sa proteksyon sa salud kan konsumedores.
Kabale sa grupo asin sa programa iyo an Regional Agriculture and Fishery Council, the Independent Component City Agriculture and Fishery Council of Naga City, City Agriculture Office Naga sa pamamayo ni Ernesto Asense, Mura Mart App, and Local High-Value Crop Farmers of Naga City.
Sa programa nagkaigua nin Commitment Signing na ginibo sa White Room Conference sa City Hall.
Sinabi pa ni Lavadia an seremonya bako sanang sa pagpoon kan saindang iniciativo alagad dapat magkaigua nin kooperasyon kan stakeholders saka pagtarabangan sa lado nin programa kan lokal na agricultura sagcod na maseguro an regular na produkto nganing madara sa mga barangay.
An saindang tema ‘‘Makabagong Magsasaka at Mangingisda, Susi sa Makabagong Pilipinas’’
Comments