Hanging bridge babasbasan sa Febrero 14

Magagamit na an hanging bridge sa Camaligan, Camarines Sur sa masunod na bulan nin Febrero 2021 mantang madali nang matapos an ginigibong rehabilitasyon gamit an materyales hale sa Capitolyo Provincial kan Camarines Sur.


Pigtalaan an liwat na inagurasyon sa aldaw nin mga puso sa Febrero 14, 2021.


Si Barangay Capitan Paz Acabado kan Tarusanan an tulay pigbabalyohan nin mga residentes kan saindang barangay asin kan kataid nindang barangay San Francisco.


Nabalyong salog an mga residentes hale sa Sto. Domingo asin San Francisco sa ibabaw kan Bicol River.


Baroto an ginagamit kan mga residentes kan maraot an tulay mantang mayo man nin ibang transportasyon nganing makabalyo tolos sa kataid na barangay asin sa Poblacion, Camaligan.


Saiyang sinabi piglalaoman na matatapos mga premirong semana kan masunod na bulan an rehabilitasyon mientras na pigtalaan an pagbasbas sa Febrero 14.


An hanging bridge naputol an steel wires na nagpapapusog kan tulay alagad pinasarahan kan lokal na gobierno huli ta delicado sa aksidente matapos maraot kan bagyong ‘‘Rolly’’ kan Noviembre 1, 2020.


An konstruksyon kan tulay na dai palang nahahaloy natapos ginastosan nin Php2.5 milyon.


Kabale sa nadestroso kan nakaaging calamidad iyo an MB Camaligan, na nginaranan na floating restaurant, pinatuwal kan makusog na bagyo asin pig re-assemble giraray envez na magpataw-pataw sa salog. (dpa)