HAYUP SA LUBANG

Tigsik ko an mga namamanwaan

Mayong kataposan an diringkilan

Nakakabaranga, sigeng kawkawan

Ngarahab an politicong pasaway!

Tigsik ko si Kesong matalaw

Balisngag an utak magdalagan

An diskarte dagos nang piglalaygay

Piglakilaki an kurit kan kiray!

Tigsik ko man si Kalbong Gatak

Sobra sana man an palakpalak

Malasado an tabas kan utak

Pagbaba na kan warrant makakak!

Si Lolo Colekta tigsik ko man

Matarom an mata, wagas magngawngaw

Promisa sa kuryente baka malingaw

Tibaad pareho ka man ni Allan!

Tigsik ko po ining si Badiday

Pirming es na ko an saiyang galawan

Pairarom kun ini magkamang

Magbantay! Pasaluhib an galamay!

Tigsik ko si Bastian sobrang hawhaw

Grabe magbanat sa mga kalaban

Sa totoo,  mayong pag-alamaam

Mga pigtataram hayup sa lubang!