HIV case naglangkaw 150%
Sarong opisyal kan Naga City Health Office nagkumfirmar na padagos naglalangkaw an caso kan Human Immunodeficiency Virus (HIV) sa Bicol, nanga-ngapudan na sa envueltong sektor dai mag-alangan isumiter an saindang sadiri sa regular na HIV tests.
Sa entrevista ki Grace Guevara, Medical Technologist kan lokal na gobierno kan Ciudad nin Naga naglangkaw nin 150 por ciento an caso base sa datus puon kan Enero hasta Agosto ngunian na taon kumpara sa kaparejong peryodo kan 2020 na igwa sanang 19 caso alagad ngunian na taon igwa nang 31.
An mga nag-positivo sa HIV dapat amay nang magpa-test sa Naga HIV Testing Center nganing mabulong asin dai na mag-progreso an caso pasiring sa Acute Immune Deficiency Syndrome (AIDS), sabi pa ni Guevara.
An pandemya haros aroaldaw naglalangkaw an caso alagad sinasabayan pa kan HIV sa ciudad.
An HIV dai maaaraman tolos kun positivo na sinda alagad nganing maseguro an saindang salud magpa-test para maseguro na salbado sinda sa virus na nakukua sa pakikipag-sex sa lalaki-sa-lalaki.
Sa record kan 2020, napag-araman na nagkaigwa nin 40 individuals alagad an na-testing na positivo sa kaparejong caso. Alagad an mga pasyente bako lang nag-eestar sa Naga bilang centro de negosyo alagad iyan mga referral hale sa mga LGUs.
An transmission nangyayari huli sa kawaran nin proteksyon sa pakikipag-sex lalo na sa ‘‘lalaki-sa-lalaki’’.
Si nakikipag-sex nin nagkapera nang veces dawa kiisay dapat magsumiter na kan saindang sadiri sa HIV tests. (dpa)