top of page

HOY! MAGBAGO NA KAMO!



Tigsik ko ining si Bertong Bato

Bangkag sa paghigop nin shabu

Ano daw an saiyang futuro?

Feeling guwapo, tabingi an payo!


Tigsik ko pa man si Totoy Bibo

Alive na alive, alertong tawo

Saro lang text kan adik sa kanto

Wow, tutulakan tolos nin shabu!


Tigsik ko man an Tatay mong kalbo

Kan nasagad kan amats kan bato

Nagpasadpasad duman sa Centro

Garo nang zombie, juego limpio!


Tigsik ko si Bossing sa govierno

Wow, honorable an pakaatado

Ito palan sugo kan Demonyo

Protector kan Drug Lord na dayo!


Tigsik ko, tigsik ko gabos kamo!

Hay naku, magbago na po kamo!

An bagsak nindo kun bakong sa kalabuso

Sa hospital o sa sementeryo!


An buhay kan tawo sagradong regalo

Dae pagsamwang, atamanon nindo

Ontokon na maraot na gibo

Hoy magbago, magbago na kamo!


Kommentare


bottom of page